A Red, Red Rose
O my luve's like a red, red rose,
That's newly sprung in June;
O my luve's like the melodie
That's sweetly played in tune.
As fair art thou, my bonnie lass,
So deep in luve am I;
And I will luve thee still, my dear,
Till a' the seas gang dry.
Till a' the seas gang dry, my dear,
And the rocks melt wi' the sun:
O I will love thee still, my dear,
While the sands o' life shall run.
And fare thee weel, my only luve,
And fare thee weel awhile!
And I will come again, my luve,
Though it were ten thousand mile.
About this Poem
Bob Dylan has cited "A Red, Red Rose" as the most influential poem in his life.
Born in Alloway, Scotland, on January 25, 1759, Robert Burns was the author of Poems, Chiefly in the Scottish Dialect (1786) and Tam O' Shanter (1795).
Date Published: 1794-01-01
Source URL: https://poets.org/poem/red-red-rose